Објавено на:

Од август повторно ќе се игра фудбал во Украина?

t

Иако имаше најави дека новото украинско фудбалско првенство во некаков скратен формат во новата сезона ќе се игра во Турција, Украинците решени се топката повторно да се стркала во нивната земја, иако сѐ уште е во ек руската агресија и воените дејствија без најави дека за брзо ќе запре.

Украинскиот фудбал се прекина веднаш откако Русија тргна со жестоките воени напади на 24 февруари и од тој ден фудбал не се игра во земјата, а низа стадиони се буквално срамнети со земја, пред сѐ во деловите каде се водеа најжестоки битки, Чернихив, Ирпин, Буча, Харков, Мариупол…

Претседателот на Украина, Володимир Зеленски даде зелено светло од август фудбалот во Украина повторно да се игра, макар руски бомби да продолжат да паѓаат врз земјата во агресијата, во која најжестоко е во регионот Донбас. Првиот човек на украинскиот фудбал, Андриј Павелко веќе разговарал со Зеленски и ги информирал УЕФА и ФИФА за одлуката фудбал да се игра во Украина.

-Јас разговарав со нашиот претседател Зеленски за тоа колку фудбалот е важен во овие тешки моменти. Разговаравме колку фудбалот има моќ да им помогне на луѓето за да размислуваат за иднината, а знаеме под каква психоза се моментно. Во моментов севкупното разположение е на најниско ниво, што е нормално, но фудбалот може да им понуди надеж, да размислуваат за иднината. Така да донесовме одлука со претседателот да продолжи фудбалот од август. Јас ги информирав и ФИФА и УЕФА за одлуката да имаме првенство во воена состојба, додека паѓаат бомби. Сметаме на нивна поддршка и сега разговараме за деталите, рече Павелко.

Засега не е познато во кој делови од земјата би се играле мечевите, ниту како регрутираните фудбалери или доброволците ќе добијат слобода да играат фудбал.

Во најава е дека украинските клубови кои од летово ќе играат во европските натпреварувања, своите мечеви да ги играат во Полска, но за тоа допрва ќе следи официјална потврда.

ПОВРЗАНИ ВЕСТИ

Полскиот министер за одбрана: Нема да испратиме…

Полска не се подготвува и нема да…

Италијанскиот министер за одбрана: Разговарајте со Путин!

Италијанскиот министер за одбрана Гидо Кросето денеска…

Руската разузнавачка служба: САД му бараат замена…

Соединетите Американски Држави ги интензивираа напорите да…

Американски конгресмен: Америка може да испрати војска…

Во случај на пад на Украина, Соединетите…

Американскиот советник за национална безбедност: Не очекувам…

Новиот пакет воена помош за Украина, кој…