Ангел Димитров: Бугарската безбедносна служба ми врши притисок да попуштам за Македонија

Недозволиво е Бугарија да дозволи да се врши притисок врз нејзе, изјавил за БНТ, Ангел Димитров, копретседател на Бугарско-македонската комисија за историски прашања.

Според него, тој притисок сега доаѓа од внатре, од самата Бугарија.

-Продолжувам да се прашувам како темата за „брз почеток“ на Република Северна Македонија за членство во Европската Унија стана централна, а не треба да биде. Има поместување на темата за потребната активност. Земјата што е заинтересирана мора да биде активна, а не Бугарија. Никој не си дозволил директен притисок врз нашата Комисија, но последните 3-4 дена јас лично станав предмет на притисок од една многу сериозна институција во Бугарија со обвинение дека ги предавам интересите на државата, рече Димитров.

На прашањето која е таа инстутиција, Димитров одговорил: Тоа е ДАНС! (Државната агенција за безбедност)

Share on Facebook

Tweet

Follow us

Save