Николоски до Бујар Османи: Вистината боли ама мора да се кажува

Потпретседателот на ВМРО-ДПМНЕ, Александар Николоски, реагира на изјавата на Бујар Османи дека “мавање со дрва и камења по Албанците значи дестабилизација на државата.”

– Вистината боли. Особено го боли Бујар Османи, како и Зоран Заев и Димитар Ковачевски. Вчера кажав дека Бујар Османи работи Албанија да почне преговори со ЕУ, а за Македонија што биде, биде. Тоа го боли. Ама вистина е.

Исто како што пред 4 години кажав дека работи Македонија да влезе во иста група со Албанија која беше многу позади нас. Рекоа дека тоа што го кажувам е ,, научна фантастика“ . После неколку месеци таа ,,научна фантастика“ се реализираше и Македонија НЕ ДОБИ датум за преговори, ама затоа влезе во иста група со Албанија.

Исто така уште тогаш во 2018 кажав дека Македонија со СДСМ и ДУИ нема да почне преговори. Еве ја 2022 Македонија НЕ ПОЧНУВА преговори.

Вистината боли ама мора да се кажува. Одговорност и оставки веднаш затоа што ја пониживте Македонија и ја оставивте на дното на Европа и Балканот, напиша Николоски на Фејсбук.

ЛИНК од статусот на Фејсбук.

Share on Facebook

Tweet

Follow us

Save