Стоп за семејството Бајден во Русија

На семејството на американскиот претседател Џо Бајден им е забранет влез во Русија, соопшти Министерството за надворешни работи во Москва.

На сопругата на Бајден, Џил и ќерката Ешли, повеќе не им е дозволено да патуваат во Русија.

Американскиот претседател, државниот секретар Антони Блинкен и стотици пратеници веќе се на црната листа.

Стејт департментот соопшти дека Русија го забранила влезот на уште 25 американски државјани, вклучително и угледниот професор Френсис Фукујама, бидејќи зазеле „русофобични“ позиции.

Соединетите држави и Канада додадоа две возрасни ќерки на рускиот претседател Владимир Путин на листата на санкции поради руската војна против Украина.

Share on Facebook

Tweet

Follow us

Save