Двајца тетовци повикани во полиција поради коментари на Фејсбук

Тетовската полиција повика на службен разговор еден жител на градот и еден жител на село од околината, кои се заканувале и промовирале омраза и насилство во коментари на Фејсбук, соопшти МВР.

„Секторот за внатрешни работи Тетово во координација и содејство со Секторот за компјутерски криминал и дигитална форензика на МВР целосно расчисти два случаи на коментари со заканувачка содржина со кои се промовирале или поттикнувале омраза и насилство, напишани на објави од интернет портали“, велат од полицијата.

„Поради сомнение дека се автори на ваквите коментари, во Полициската станица Тетово вчеравечер (09.07.2022) повикани се Џ.Л.(40) од Тетово и Д.Р.(37), од тетовско село, извршен е службен разговар со двајцата, при што Д.Р. го признал делото“, додаваат од МВР.

По документирање на случајот против двете лица ќе следуваат соодветни поднесоци.

Share on Facebook

Tweet

Follow us

Save