Почина ѕвездата на „Добрите момци”
![t](https://infomax.mk/wp-content/uploads/2022/07/pol-sorvino.png)
Американскиот актер, Пол Сорвино, можеби најпознат по улогите во филмот „Добри момци“ и телевизиската серија „Закон и ред“, почина на 84-годишна возраст.
Публицистот на глумецот, Роџер Нил, потврди дека Сорвино починал од природна смрт, во американската сојузна држава Индијана. Смртта на актерот ја потврди неговата сопруга Ди Ди.
Нашите срца се скршени, никогаш нема да има друг Пол Сорвино. Тој беше љубовта на мојот живот и еден од најголемите изведувачи што некогаш ги красел екранот и сцената – изјави таа за „Холивуд рипортер“.
Роден во Бруклин во италијанско-американско семејство, Сорвино почнал да глуми додека студирал на Американската академија за музика и драма во Њујорк. Првично се надевал дека ќе стане оперски пејач. По своето деби на Бродвеј во мјузиклот „Бажур“ во 1964 година, следеше и неговиот прв филм „Каде е Папа?“ (Where’s Poppa?).
Сепак, неговата најпозната улога е е онаа од 1990 година, во гангстерскиот филм на Мартин Скорсезе „Добрите момци“. Таму го глуми Пол Цицеро, лик заснован на мафијашот од вистинскиот живот, Пол Варио.
Пол Сорвино имаше три деца, меѓу кои и оскаровкката Мира Сорвино, која на својот татко му го посвети својот „Оскар“ за „Моќната Афродита“ од 1995 година
ПОВРЗАНИ ВЕСТИ
„Лекар од пеколот“: Приведен 39-годишен доктор осомничен…
Полицијата во Берлин приведе 39-годишен лекар осомничен…
ЕДНИОТ ОД МАКЕДОНИЈА! Уапсени две лица во…
Двајца осомничени екстремисти се уапсени во Австрија,…
Халеви: Израел во состојба на готовност, ќе…
Израел е во состојба на висока готовност…
Трагедија: Приколка од товарно возило усмрти маж…
Шеесет и петгодишен жител на село Младо…
САД ја предупредија Турција на „последици“ доколку…
САД ја предупредиле Турција дека ќе има…