Ванковска: Технички секретар во АЕК со завршено средно образование има за 11.000 повисока плата од редовен професор на УКИМ

На огласот за работна позиција технички секретар во АЕК, на која може да се аплицира и со завршено средно образование, платата е 47.000 денари. Ова е за 11.000 ден. повисока плата од таа на редовен професор на УКИМ, пишува професорката Билјана Ванковска на фејсбук.

Утрово видов и оглас за 26 работни места во ЦУК, кај Стојанче. Без искуство, со прво вработување, добиваат професорска плата. Куриозитет е (ако не грешам) дека за ниту едно работно место не се бара кадар од Институтот за безбедност, одбрана и мир. А нашите студенти се утепаа од учење за кризен менаџмент, за цивилна одбрана и заштита, за ЦУК и тн.

И на сето ова додаваш вести за зголемување даноци и инфлација до небо, со највисоки цени на лебот, и си велиш: отишло се’ по ѓаволите, а уште ни есен не дошла (деца на школо, огрев, и сл.).
Но, затоа тие се дебелат – БУКВАЛНО!

Share on Facebook

Tweet

Follow us

Save