Албанија потроши 7,6 милиони евра за да набави струја за еден викенд
Албанската корпорација КЕШ за набавка на електрична енергија само за претстојниот викенд потрошила 7,6 милиони евра.
– КЕШ ја затвори постапката за купување енергија за 20 и 21 август обезбедувајќи 15.624 мегават часови по просечна цена од 487,75 евра. Пред неколку дена компанијата ја откажа постапката за набавка на енергија, задоволувајќи ги потребите на земјава со енергија од домашно производство.
Но, падот на нивото на вода во акумулацијата „Фиерза“, која е една од трите хидроелектрани на каскадата на реката Дрим, како и долготрајната суша го принудија КЕШ да отвори тендер за обезбедување на енергија и за периодот од 22 до 28 август.
За оваа седмица се потребни вкупно 47.600 мегават часови енергија.
Албанското Министерството за енергетика пред неколку дена започна кампања на социјалните мрежи за подигање на свеста за заштеда на енергија, повикувајќи ги граѓаните да трошат што помалку струја.
Од друга страна Албанија, пред шест дена, му излезе во пресрет на Косово и му даде струја со што беа избегнати рестрикциите, што ги најави косовската Влада.
ПОВРЗАНИ ВЕСТИ
Македонски државјани се повредени во сообраќајка во…
Двајца македонски државјани се здобиле со тешки…
МАЕИ бара поголема застапеност на македонското малцинство…
Од исклучителна важност е македонското малцинство, како…
Во Албанија е идентификуван првиот случај на…
Првиот случај на мајмунски сипаници е потврден…
Рама: Албанија доби „зелено светло“ за отворање…
Албанскиот премиер Еди Рама објави дека земјата…
Ѓоковиќ воодушевен од односот на албанските и…
Тенисерот Новак Ѓоковиќ се огласи за натпреварот…