Терористите во Шведска регрутираат деца: 15-годишно момче е осомничено за пукањето во Малме

„Спирала на насилство“: Терористите во Шведска регрутираат деца, момче уби маж во тепачка со банди

Шведската полиција соопшти дека 15-годишно момче е осомничено за пукањето во трговски центар во Малме, во кое еден маж беше убиен, а една жена е ранета.

Шефот на полицијата во Малме, Петра Стенкула, на прес-конференција изјави дека во трговскиот центар е убиен 31-годишен маж, кој бил цел на нападот, додека една жена која била случаен минувач е ранета.

Таа е тешко ранета, но нејзиниот живот не е во опасност. Од полицијата претпоставуваат дека осомничениот млад човек дејствувал сам, но не ја исклучуваат можноста во делото да се вмешани и други лица. Стенкула рече дека разбира оти луѓето се вознемирени поради инцидентот и оцени дека Малме е зафатен од „спирала на насилство“.

Share on Facebook

Tweet

Follow us

Save