Вејсели: ДУИ ќе се распадне на три-четири дела ако го нема Ахмети!

Поранешниот пратеник и поранешен лидер на ПДП, Абдулади Вејсели смета дека без Али Ахмети, ДУИ нема да може да опстане, односно дека на партијата ѝ се заканува распад.

-Едно е јасно и треба сите да знаеме – нема да остане ништо од ДУИ, ако го нема Али Ахмети. Тоа треба да биде јасно на секој член на ДУИ. Тој е единствениот човек што се обидел и што имал постојано проблеми во самите редови и ги решавал. ДУИ не е мала партија со четири-пет души. Тоа е големо друштво и семејство, каде што секогаш ќе наоѓаш незадоволни лица, контатира Вејсели.

Тој вели дека „ДУИ ќе се распарчи на три-четири дела ако го нема Ахмети“.

-Човечките односи не се баш на најдобро ниво. Ако е незадоволството е поради организацијата на партијата, тогаш во ред, но не мислам дека е само тоа. Не беше ударот врз Артан Груби. Не е целта Груби или сите министри во Владата. Целта беше лидерот на ДУИ. Тие немаа смелост тоа да го кажат јавно. Ова беше против Ахмети, рече Вејсели во емисијата „24 отворено“.

Share on Facebook

Tweet

Follow us

Save