(Видео) УЕФА ОДЛУЧИ: Голот на Енис Барди е избран за најдобар во ЛЕ

УЕФА го избра голот на Енис Барди против Монако за најдобар во 4. коло во Лига Европа, во конкуренција на вкупно 44 погодоци кои беа постигнати вчера во второто по ранг европско клупско натпреварување.

Македонскиот репрезентативец од слободен удар во 57 минута го постигна третиот гол во победата од 4-0 на Трабзонспор над Монако во рамки на групата Х.

За Барди ова е прв гол во дресот на Трабзонспор сезонава во Лига Европа.

Турскиот тим по четири одиграни кола е второпласиран во групата Х со шест бодови, три помалку од лидерот Ференцварош. На третото место е Монако со шест бодови, но послаба пол разлика од Трабзонспор, додека Црвена ѕвезда на последното место има три бодови. (МИА)

A, B, C or D ❓ Who gets your vote for #UEL Goal of the Week? ⚽️🔥@Heineken | #UELGOTW

— UEFA Europa League (@EuropaLeague) October 13, 2022

Share on Facebook

Tweet

Follow us

Save