Лукашенко тврди: САД не ѝ дозволуваат на Украина да преговара

Претседателот на Белорусија Александар Лукашенко изјави денеска дека Соединетите Американски Држави не ѝ дозволуваат Украина да започне преговори со Русија.

„Украинското раководство не смее да започне преговори. Сакаат да ја уништат Европа со еден удар, за преку Русија да се доближат до Кина. Се разбира, со разбивање на Русија“, рече тој, а пренесе ТАСС.

На почетокот на оваа недела, Лукашенко зборуваше за потребата од преговори за мир, но и дека Украина, како и Полска и САД, треба да бидат „изложени во вистинско светло“.

„Америка која владее со Полска се плаши само од едно – нуклеарен конфликт, нуклеарно оружје. Зошто? Затоа што тогаш веќе ќе биде вжештена ситуацијата. Тоа е нивниот пристап“, изјави белорускиот лидер за новинарите, пренесе Спутник.

Претходно Лукашенко изјави дека раководството на Украина треба да престане и да преземе чекори за прекин на конфликтот доколку не сака смрт на огромен број луѓе и уништување на земјата.

Share on Facebook

Tweet

Follow us

Save