Се огласи и МВР: Акција на полицијата и Обвинителството на ГП „Табановце“

Полицијата и Јавното обвинителство спроведуваат заедничка акција на граничниот премин Табановце, соопштија од МВР.

– МВР во координација со ОЈО за гонење на организиран криминал и корупција спроведуваат заедничка акција на ГП „Табановце“, информираа од МВР, најавувајќи детали за акцијата за утрешниот ден.

Во меѓувреме на Граничниот премин „Табановце“ според граѓани кои се враќаат во државата, има метеж. Од аматерските видеоснимки и фотографии може да се забележат долги колони автомобили и нервозни граѓани.

И викендов како што претходно објави МИА имаше значителна фреквенција на граѓани, пред сè македонски државјани, кои поради празниците се враќаат во земјава.

Share on Facebook

Tweet

Follow us

Save