INFOMAX.MK

Српскиот тенисер Новак Ѓоковиќ денеска ќе го одигра мечот од осминафиналето на во Монте Карло и тоа против Италијанецот Лоренцо Мусети, кој можеби не е познат за пошироката јавност, но кој на овој мастерс-турнир игра – феноменално.

Тој со пресметката со најдобриот на денешницата стигна без загубен сет во дуелите со Миомир Кезмановиќ и Лук Нарди, а што е импресивно е фактот што три од четирите сета ги доби со фантастични 6-0.

„Морам да бидам подготвен за пресметката со најдобриот во светот, а не против тенисер кој се уште се прилагодува на игра на земјени терени. Морам да излезам храбар на теренот и да не се исплашам од величината која ќе биде на другата страна. Ако го сторам тоа, ќе може да го победам Ѓоковиќ“, изјави Мусети.

За Србинот ова е прв турнир по тој во Дубаи пред еден месец, а фактот што првпат по подолго време игра на земја се виде и во стартниот меч против анонимниот руски тенисер Иван Гахов, кого го доби потешко од очекувањата.

Извор: sport1.mk