Македонија е привлечна за шпанските инвеститори, вели шпанскиот МНР

Односите меѓу Шпанија и Македонија се зајакнуваат, стануваат уште поблиски, напредува и економската соработба. Ова е земја која што е многу привлечна за шпанските компании. Последен доказ за тоа е учеството на компанијата „Идом“ во третирање на водите во Охридското езеро. Убеден сум дека овој пример ќе повлече и други компании и ќе овозможи да се зголемуваат нашите размени на економски план, изјави министерот за надворешни работи, ЕУ и соработка на Кралството Шпанија, Хозе Мануел Албарез Буено кој е во еднодневна посета на земјава.

Албарез на заедничката прес-конференција со неговиот македонски колега, Бујар Османи упати порака и дека Шпанија сака да го интегрира Западен Балкан во ЕУ.

Двајцата министри потпишаа Меморандум за разбирање со цел развој на соработката во процесот на пристапување на земјава во Унијата.

Официјален Мадрид ќе го презеде претседавањето со ЕУ од 1-ви јули годинава.

Share on Facebook

Tweet

Follow us

Save