Поранешниот селектор на Македонија се сели во Казахстан

Екс селекторот на фудбалската репрезентација на Македонија, Игор Ангеловски, под чие водство Горан Пандев и другарите играа на ЕП 2020 најде нова тренерска работа, во Казахстан.

Ангеловски и официјално е назначен за нов тренер на екипата на Каспиј.

Популарниот Мрме по напуштањето на селекторската позиција, кратко време ја предводеше хрватската екипа Горица, ама поради слаби резултати беше сменет.

– Македонскиот стручњак Игор Ангеловски е назначен за нов тренер на Каспиј. Игор Ангеловски е добар стручњак кој ја предводеше македонската фудбалска репрезентација на Европското првенство. Му посакуваме успех на нашиот нов тренер – се вели во краткото соопштение.

Неговиот нов тим Каспиј е последнопласиран на табелата во казахстанската Прва лига по шест одиграни кола, со биланс од пет порази и само една победа.

Share on Facebook

Tweet

Follow us

Save