Украина набрзо ќе остане без воена опрема и оружје, вели Путин
Претседателот на Русија, Владимир Путин во обраќањето пред учесниците на Економскиот форум во Санкт Петербург изјави дека Украина набрзо ќе остане без воена опрема и оружје.
Додаде дека украинскиот претседател Володимир Зеленски набрзо ќе биде целосно зависен од опремата што ја доставуваат западните земји.
– Украина не напредуваше во својата контраофанзива … Нејзината армија нема шанси против руската војска, посочи Путин.
Тој во својот говор истакна и дека „непријателските држави не им дозволуваат пристап на руските бизнисмени до нивните пазари“. Путин се осврна и на заминувањето на странските компании од Русија по инвазијата врз Украина, потенцирајќи дека Москва не ни сака тие да се вратат.
Путин најави и раст на руската економија до два отсто, по закрепнувањето од минатогодишните западни санкции.
Призна дека Русија ќе мора да ги зголеми трошоците за одбрана.
– Нашите јавни финансии денес се генерално избалансирани, има мал тековен дефицит во федералниот буџет. Се разбира, потребни беа дополнителни средства за зајакнување на одбраната и безбедноста, за набавка на оружје, ние сме должни да го направиме ова за да го заштитиме суверенитетот на нашата земја, истакна Путин.
ПОВРЗАНИ ВЕСТИ
Путин – Џинпинг: Русија и Кина работат…
Претседателот на Русија, Владимир Путин, изјави дека…
Путин слета во Пекинг
Рускиот претседател Владимир Путин слета во Пекинг…
Москва и Вашингтон го осудија атентатот врз…
Рускиот претседател Владимир Путин испрати телеграма до…
Путин го потпиша указот: Ова се новите…
Претседателот на Русија, Владимир Путин, потпиша указ…
Блинкен: Русија ќе мора да ѝ плати…
Највисокиот американски дипломат го извести украинскиот претседател…