Газа целосно ќе остане без телекомуникации и интернет?

Палестинската телекомуникациска група денеска соопшти дека нејзината мрежа претрпе огромни штети што во голема мера се одрази на нејзините операции во Газа, предупредувајќи дека повторените прекини и оштетувања на мрежата ќе предизвикаат целосен прекин на телекомуникациите и интернет услугите во регионот.

Групата соопшти дека нападите на Газа предизвикале неколку прекини во главните линии на оптичките кабли што го поврзуваат Појасот Газа со Западниот Брег, а потоа и со надворешниот свет.
Во случај на повеќекратно оштетување на мрежата, предупреди групата, ќе биде прекината комуникацијата на Газа со Западниот Брег, што значи целосен прекин на комуникациите и интернет услугите и целосна изолација на граѓаните, пренесува агенцијата ВАФА.

Палестинскиот оператор рече дека 35 отсто од главните мрежни елементи, како што се столбовите, каблите и линиите со оптички влакна што внатрешно ја поврзуваат Газа, се во прекин, што влијае на околу 40 отсто од претплатниците, како и на мобилните претплатници.
Мрежата претрпе големи штети и поради прекини на струја, дефекти на копнената и воздушната мрежа или уништување на некои мрежни уреди.
Квалитетот на телекомуникациите и интернет услугите варира од прекини до целосни прекини.
Групата потврди дека зградата на седиштето на Генералниот директорат за фиксна телефонска мрежа и домашен интернет, лоцирана во населбата Ал-Римал, била бомбардирана и дека многу згради и објекти на компанијата биле делумно уништени на различни места во Појасот Газа.

Share on Facebook

Tweet

Follow us

Save