Ер Србија ги прекинува летовите кон Тел Авив!

Авиокомпанијата „Ер Србија“ одлучи привремено да го прекине сообраќајот меѓу Белград и Тел Авив поради, како што наведоа, се посложената безбедносна ситуација во Израел, соопштија од компанијата.

Следниот лет планиран за недела, 22 октомври 2023 година, нема да се реализира, како и сите други летови до крајот на ноември, а продажбата на билетите на „Ер Србија“ на таа релација е привремено прекината.
Сите патници кои купиле авионски билети до крајот на ноември треба да се обратат во „Ер Србија“ и ќе имаат право на целосна рефундација, велат од компанијата.

„Ер Србија продолжува внимателно да ги следи информациите во врска со аеродромот Бен Гурион во Тел Авив и е во контакт со сите надлежни служби и органи. „Српската национална авиокомпанија веднаш ќе ја информира јавноста за повторно воспоставување летови кога ќе се исполнат условите“, нагласуваат од „Ер Србија“.

Share on Facebook

Tweet

Follow us

Save