Вело Марковски се вакцинираше: Грипот за разлика од Короната е сериозна болест

Познатиот специјалист инфекјтолог Вело Марковски вчера се вакцинираше против сезонски грип и порача дека „грипот за разлика од короната е сериозна болест“.

„Јас денес се вакцинирав. Сите што се во таканаречени ризични групи: болни со малигни заболувања, постари од 65 години, бремени, луѓе со сериозни хронични состојби (срцеви, белодробни, бубрежни, хематолошки…) ВАКЦИНИРАЈТЕ СЕ. Компликациите после прележување на сезонски грип можат да бидат фатални за припадниците на ризичните групи“, порача професорот.

Министерството за здравство набави 60 илјади дози од четиритипна вакцина и неколку пати во јавноста од таму порачуваат дека интересот е голем за вакцинација. Со бесплатната вакцинација против сезонски грип се опфатени следните ризични групи: стари лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години, лица сместени во установи за социјална заштита на стари лица и лица вработени во установи за социјална заштита на стари лица

Share on Facebook

Tweet

Follow us

Save