Нетанјаху ќе размисли за “мали тактички” прекини на огнот во Газа

Израелско-палестинскиот конфликт влезе во триесет и вториот ден. Израелската армија призна дека цел била зграда во близина на болница во Газа, но тврди дека таму биле борци на Хамас. Во попладневните часови, израелската војска соопшти дека околу 20 ракети биле истрелани од Либан кон северен Израел, поради што се огласиле сирените за воздушен напад во Галилеја и Голан.

Некое време подоцна, израелскиот премиер Бенјамин Нетанјаху изјави дека Израел ќе размисли за „мали, тактички паузи“ во борбите во Појасот Газа, со цел да се олесни влезот на хуманитарна помош или да се дозволи транспорт на заложниците ослободени од екстремистите на Хамас. Сепак, израелскиот лидер го повтори своето отфрлање на прекин на огнот без ослободување на сите заложници заробени од членовите на Хамас, пренесува Ројтерс.

Share on Facebook

Tweet

Follow us

Save