Нетанјаху: Хамас нема каде да се крие, ја изгубија контролата над Газа!

Израелскиот премиер Бенјамин Нетанјаху за време на прес-конференцијата од Тел Авив изјави дека неговата земја е целосно подготвена на својот северен фронт. Израел разменува оган со моќната либанска милитантна група Хезболах на нејзината северна граница.

Нетанјаху рече дека го предупредил Хезболах дека војувањето со Израел ќе биде фатална грешка што ќе ја одреди судбината на Либан.

„Израел нема да застане додека не ја завршиме нашата мисија. Нашата единствена цел е да победиме“, рече Нетанјаху, мислејќи на војната со Хамас.

„Хамас ја загуби контролата над Газа и сега нема каде да се крие“, изјави премиерот на Израел.

Нетанјаху рече дека продолжува да има секојдневни контакти со претседателот на САД, Џо Бајден и дека се’ уште има политичка и етичка поддршка од американската администрација.

„Многу светски лидери дојдоа да го посетат Израел за да покажат поддршка, но има малцинства кои вршат притисок врз владите. Ги повикувам владите да не подлегнуваат на овој притисок. Нашата војна е и нивна војна. Никаков меѓународен притисок, никакви лажни обвинувања нема да не’ оттргнат од нашата цел. Ако сакате мир, мора да го елиминираме Хамас“, рече Нетанјаху на конференцијата.

Share on Facebook

Tweet

Follow us

Save