ОЈО: Обдукцискиот наод за убиената Вања Ѓорчевска не е финализиран

Обдукцискиот наод за Вања Ѓорчевска и Панче Жежовски сè уште не е финализиран. Од Обвинителството велат дека се во постојана комуникација со судска медицина.

Предметот за двојното убиство е во фаза на истрага. Под лупа се дејствијата на сите инволвирани, секојдневно се прибираат вербални и материјални докази кои потоа се споредуваат. По неколкуте сензационалистички текстови кои беа објавени од медиуми во соседството, а беа пренесени и кај нас, обвинителството апелира во оваа фаза, кога е во тек истрага, да не се шират непроверени информации кои може да и наштетат на постапката и дополнително да ја вознемират јавноста.

Вања и Панче беа пријавени за исчезнати на 27-ми и 24-ти ноември, а на 3-ти декември беа пронајдени мртви. Досега се осомничени шестмина. За првоосомничениот Љупчо Палевски се чека екстрадиција од Турција.

Share on Facebook

Tweet

Follow us

Save