Ѓоковиќ: Не се гледам во политиката

Најдобриот светски тенисер, Србинот Новаќ Ѓоковиќ, изјави оти по завршување на професионалната кариера нема амбиции да влезе во светот на политиката.

„Немам чувство дека тоа е свет или опкружување во кое јас би блескал. Сепак, мислам дека мојата популарност во Србија и регионот може да се искористи за некои други работи во кои би можел да придонесам за животот во општеството“, рече Ѓоковиќ во опширно интервју кое денеска го емитуваше американскиот телевизиски канал Си-Би-Ес.

Триесетишестгодишниот Ѓоковиќ најави дека сè уште е далеку да стави крај на својата импозантна кариера и порача оти е подготвен да продолжи со соборување на рекордите.

Ѓоковиќ досега во својата кариера освои рекордни 24 грен – слем титули, а триумфираше на 39 мастерс турнири.

Share on Facebook

Tweet

Follow us

Save