За прв пат во Македонија: Д-р Венко Доктор Филипче денеска заедно со неговиот тим успешно направија awake brain surgery

Поранешниот министер за здравство, д-р Венко Филипче, денеска на Клиниката за неврохирургија заедно со неговиот тим успешно направија awake brain surgery. Докторот веста ја сподели на социјалните мрежи:

Д-р Филипче ни рече дека станува збор за повозрасен пациент кој имал проблеми со видот предизвикани од тумор во мозокот.

„За прв пат во историјата на неврохирургијата во нашата држава, направивме awake brain surgery. Операцијата ја изведовме кај млада пациентка која имаше тумор блиску до центрите за говор и движење на десната рака и нога.
Предноста на аwake brain surgery е поради неопходната соработка која хирургот ја има со пациентот додека трае операцијата.

За да се отстрани максимална количина на тумор без да се оштетат центрите за говор и движење хирургот комуницира со пациентот. Мозочното ткиво не содржи рецептори за болка, па самиот тек на операцијата е безболен.
Кај нашата млада пациентка операцијата помина одлично. Туморот е изваден до максималните можни граници и пациентката се осеќа добро.

Им честитам на тимот анестезиолози предводен од д-р Весна Дурнев и упатувам благодарност до колегата д-р Игор Лазиќ од Клиниката за неврохирургија во Белград. Драго ми е што моите млади колеги имаа голем интерес и желба да бидат повторно мој верен тим во операционата сала“, соопшти Венко Филипче.

Share on Facebook

Tweet

Follow us

Save