ДУИ бараат да се постапи согласно законот и за внукот на Али Ахмети

Поради поседување на пиротехнички средства, а по проверка на неговото возило од страна на САЕ „Тигар“ вечерва бил приведен Дрин Ахмети, внукот на лидерот на ДУИ, Али Ахмети.

Засега нема информации за количината на пиротехника која МВР ја пронашле кај Дрин Ахмети, меѓутоа според досегашните информации тој бил однесен во полициската станица „Беко“.

Од МВР го потврдија случајот:

– Денеска (30.12.2023) во 19.50 часот на ул. Самуилова во Скопје полициски службеници запреле патничко моторно возило „ренџ ровер“ со албански регистарски таблички, управувано од Д.А (25) од село Зајас, Кичево и при преглед на возилото се пронајдени пиротехнички средства. Лицето е приведено и по документирање на случајот ќе биде пондесен соодветен поднесок, велат од МВР.

Од ДУИ за Инфомакс велат дека никој не е над законот и дека треба да се постапи согласно Закон.

– Никој не е над законот, да се постапи согласно закон за секого, велат од партијата.

Share on Facebook

Tweet

Follow us

Save