Седумгодишно дете го запали трговскиот центар „Космополит“ во Киев

Седумгодишно дете предизвикало пожар во трговскиот центар „Космополитен“ во Киев, а полицијата покренала кривична постапка против намерно уништување или оштетување на имот.

Пожар во игротеката на трговскиот центар во населбата Соломјан бил пријавен во саботата вечерта, а преку увид на лице место и обработка на видео од внатрешни камери за надзор, полицијата во соработка со службата за обезбедување на трговскиот центар утврдила дека пожарот намерно го подметнало седумгодишно момче, посетител на игротеката.

Родителите заедно со детето биле повикани во Соломјанската полиција да дадат изјава, пренесува Укринформ.

Пожарот кој зафатил површина од 50 квадратни метри бил изгаснат по речиси два часа, а од трговскиот центар биле евакуирани околу 200 лица.

Градоначалникот на Киев, Виталиј Кличко, објави дека двајца возрасни и едно осумгодишно дете се пожалиле на труење со чад.

Полицијата ги повика граѓаните да комуницираат со своите деца и да им ги објаснат правилата за ракување со огин и запаливи материјали.

Share on Facebook

Tweet

Follow us

Save