Вучиќ утре ќе разговара со високи претставници на Белата куќа и рускиот амбасадор во Србија

Српскиот претседател Александар Вучиќ по вечерашната средба со претставници на Квинт и на ЕУ ќе разговара со високи претставници на администрацијата на американскиот претседател Џозеф Бајден, во врска со одлуката на властите во Приштина да го активираат указот за укинување на динарот на Косово, објави Новости.
Според неофицијалните информации на Новости, шефот на државата вечерва разговарал и со двајца европски лидери.

Како што соопштија од кабинетот на српскиот претседател, за утре е закажана средба со рускиот амбасадор во Белград Александар Боцан-Харченко.

По оваа интензивна дипломатска активност, предизвикана од одлуката на владата на Албин Курти, која се заканува да поттикне бран на иселување на српскиот народ од Косово, се очекува Вучиќ во наредните ден-два да и се обрати на јавноста и да ги информира граѓаните за најважните детали од разговорите.

Share on Facebook

Tweet

Follow us

Save