INFOMAX.MK

Претседателот на Украина, Володимир Зеленски, кој престојува во Тирана во рамки на Самитот за Украина, разговараше со тамошниот премиер Еди Рама за одбранбените потреби на Украина и можноста за заедничко производство на оружје.
Зеленски преку објава на социјалната мрежа „Х“ рече дека „Албанија од првите денови на окупацијата ја поддржува Украина и нивната борба за слобода и територијален интегритет“.

„За време на средбата со премиерот Еди Рам го потпишавме Договорот за пријателство и соработка меѓу Украина и Албанија. Овој документ ќе придонесе за развој на нашата соработка и зајакнување на позицијата на Украина во балканскиот регион. Денеска разговаравме и за одбранбените потреби на Украина и можноста за заедничко производство на оружје. Благодарение на владата и народот на Албанија, никогаш нема да го заборавиме топлиот однос на вашето општество кон Украинците“, напиша Зеленски.

Since the first days of the full-scale invasion, Albania has supported Ukraine in our struggle for freedom and territorial integrity.

During the meeting with Albanian Prime Minister Edi Rama @ediramaal we signed the Treaty on Friendship and Cooperation between Ukraine and… pic.twitter.com/fFkSqhpSPu
— Volodymyr Zelenskyy / Володимир Зеленський (@ZelenskyyUa) February 28, 2024