Заборавил да те праша тебе: Новинарка го налути Рама со прашање што бара Алекс Сорос на Самитот во Тирана

Новинарка денеска го налути албанскиот премиер Еди Рама, кога го праша во кое својство на двата самита, одржани во Тирана, присуствувал и Алекс Сорос.

На крајот од прес-конференцијата, со еврокомесарот за соседска политика и проширување, Оливер Вархеји, новинарката Амброзија Мета го праша Рама „зошто Алекс Сорос мора да биде присутен не само на самитот, туку и на семејната фотографија“.

-Заборавил да те праша тебе, отсечно и видно нервозно одговори Рама.

За време на двата самита, беше забележано учеството на Алекс Сорос, син на филантропот Џорџ Сорос, кој стоеше зад Рама на состаноците на Самитот. Исто така е и на фамилијарната фотографија на која се сите високи државни функционери од регионот и ЕУ.

Алекс Сорос често е виден како се дружи со премиерот Рама, па дури и го нарекува „брат“, но пријателството со премиерот се чини недоволно за да биде дел од овие организации од толкава важност. Сè уште не се знае со која должност или функција Александар Сорос е толку вклучен во владините работи и на вакви самити, наведуваат албанските медиуми.

Share on Facebook

Tweet

Follow us

Save