Рама бара Договорот и анексот за спроведување да бидат вклучени во процесите за членство на Косово и на Србија во ЕУ
Албанскиот премиер, Еди Рама, реагираше за текот на процесот на дијалог меѓу Косово и Србија, потсетувајќи на суштинското значење на имплементацијата на Договорот и анексот за спроведување.
– Како што се приближуваме до состанокот на Советот на Европа на 21 март, од суштинско значење е да се потсетиме дека имплементацијата на Договорот за патот кон нормализирање на односите меѓу Косово и Србија, заедно со неговиот анекс за спроведување, е од големо значење за одржување на безбедноста, стабилноста и мир на Западен Балкан, објави Рама на платформата Икс.
Според него, за да се успее во овој процес, Договорот и Анексот за имплементација мора да бидат „официјално вклучени како составен дел на соодветните процеси за членство на Косово и Србија во Европска Унија“.
Исто така оценува дека „не е доволно само тоа што Договорот е правно обврзувачки“.
– За да се обезбеди напредок, Договорот и Анексот за спроведување треба да бидат формално вградени како дел од соодветните процеси за членство на Косово и на Србија во ЕУ. Секое одложување во тоа само го зајакнува статус квото. А статус квото во врска со овој стратешки клуч за мирно, просперитетно и европско соседство среде Европа не и служи на безбедноста на самата Европа, наведе Рама.
ПОВРЗАНИ ВЕСТИ
Ален Рустемовски по Европското првенство: Најдоброто допрва…
Боксерот Ален Рустемовски се огласи на социјалните…
Америка објави „докази“ за постоењето на митското…
Администрацијата на американскиот претседател Доналд Трамп објави доверливи…
(Видео) Илјадници граѓани во Загреб му оддадоа…
Илјадници граѓани вечерва се собраа во Загреб…
Над 27.000 домаќинства иселени присилно во Германија…
Во Германија минатата година биле спроведени 27.446…
Тешка сообраќајна несреќа во БиХ: Се судриле…
Едно лице загинало во тешка сообраќајна несреќа…