Политико: На Украина очајно и требаат војници
На Украина ѝ недостига ужасно не само муниција, особено артилериски гранати и противвоздушни ракети, туку и војници. Просечната возраст на воениот персонал на фронтот е 43 години, а сè повеќе има случаи на избегнување на службата, пишува Политико.
Според некои извештаи, од почетокот на специјалната операција, 650.000 мажи на воена возраст ја напуштиле Украина. Минатата година беа осудени околу 1.300 лица кои избегнале регрутирање. Сепак, украинските власти признаваат дека тоа е само мал дел од оние кои избегнуваат регрутирање.
„Напливот на патриотски жар“ забележан во земјата на почетокот на конфликтот стивна, бидејќи бројот на загинати и повредени се зголемува. Расте и песимизмот за иднината: се повеќе луѓе се прашуваат дали „Украина е способна да ја победи војската на Москва“.
Во исто време, Киев продолжува да го одложува донесувањето на законот за мобилизација, што ќе му овозможи да ја зголеми големината на армијата за 400 илјади луѓе. Властите стравуваат дека длабоко непопуларната мерка може да има далекусежни последици.
„Искрено кажано, мобилизацијата е жешко политичко прашање и никој не сака да го спроведе“, објасни за Политико пратеникот на Рада, Николај Књазицки. Тој наведува дека честите известувања од фронтот за недостиг од оружје само ја влошуваат ситуацијата.
ПОВРЗАНИ ВЕСТИ
МВР: Од 15 ноември до 15 март…
Од 15 ноември почна законската обврска за…
Бајден за потегот што го загрижи Кремљ:…
Поранешниот американски претседател во книгата „Ветувај ми,…
Тежок удар врз Кримскиот мост: Аналитичар проценува…
Автомобилскиот дел од Кримскиот мост би можел…
Горивата поевтинија, дизелот се продава за 92…
Од денеска, 17 ноември, важат пониски максимални…
Ова е иранецот кој ги координирал терористите!…
Петмина македонски државјани се уапсени во Македонија…