Петровска: Ќе отвориме наменски индустриски зони за одбрамбената индустрија и поддршка за домашните компании

„Како членка на НАТО гарантираме безбедност и стабилност и со тоа им даваме сигурност на домашните компании да продолжат да инвестираат. Но, имаме и план, одлична мерка со која македонски текстилни компании ќе склучат повеќегодишни договори и ќе ги произведуваат униформите и чевлите за македонската Армија“ рече министерката за одбрана и носителка во ИЕ6, Славјанка Петровска на промоцијата на програмата „Програма за европска иднина“.

Таа додаде дека наменското производство е од стратешки интерес за државата и за бизнис заедницата и затоа ќе се отворат наменски индустриски зони за одбрамбената индустрија и ќе се поддржат домашните компании.

„Ќе понудиме модел за ефикасен систем на обезбедување на логистиката која е суштинска за непречено функционирање на Армијата и тоа ќе го прават македонски компании. Најдобар квалитет, а не најниска цена. Затоа што Армијата заслужува квалитет“ рече Петровска.

Таа додаде дека во следниот мандат ќе се промени и ликот на пожарникарските служби и дека во рок од три месеци од формирањето на новата Влада ќе се донесе Закон за пожарникарството, според кој сите пожарникари ќе имаат иста почетна плата, од најмалку две просечни плати.

Share on Facebook

Tweet

Follow us

Save