Метеоролозите најавуваат поројни дождови попладнево и нестабилно време до четврток

Попладнево ќе има поројни дождови и грмежи низ државата.

Според прогнозирањето на метеоролозијте, се очекува да паднат над 15 литри дожд на метар квадратен. Локално, како што најавува УХМР, дождовите ќе бидат поројни и проследени со грмежи. Ќе дува слаб до умерен, а долж Повардарието повремено засилен ветер од јужен правец. Максималната температура ќе биде во интервал од 13 до 19 степени.

Во Скопје, времето денес ќе биде претежно облачно со повремени врнежи од дожд, особено попладне кога во делови од котлината ќе бидат поројни. Ќе дува слаб до умерен ветер од јужен правец. Максималната температура ќе достигне до 18 степени.

До четврток ќе преовладува променливо облачно и посвежо време со повремени врнежи од дожд и ретка појава на грмежи. Ќе дува слаб до умерен, а долж Повардарието повремено засилен ветер од југоисточен правец (над 60 км/час). Пораст на температурата се очекува кон крајот на седмицата.

Share on Facebook

Tweet

Follow us

Save