Македонија под топлотен бран, ова се препораките и мерките!

На почетокот на новата работна недела, територијата на целата држава е зафатена од високи температури од портокалова фаза.

Поради тоа, Владата вчера одржа седница на која беа усвоени неколку препораки и мерки.

Се препорачува ослободување од работа во понеделник до среда на бремените жени и лицата над 60 години.

Во истиот период, работодавачите да ги реорганизираат работните активности на градежните работници и на работниците кои работат на отворено, со тоа што ќе се избегне вршење градежни и други работни активности на отворено во периодот од 11 до 17 часот.

Во градинките да не се практикуваат физички активности на отворено од 11 до 17 часот, а општините, Црвениот крст и Центрите за социјални работи во регионите зафатени со топлотниот бран да пружаат помош на осамени, стари, изнемоштени лица и бездомници.

Share on Facebook

Tweet

Follow us

Save