Трагедија: Две лица загинаа во сообраќајна несреќа во Македонија, познат нивниот идентитет

На 12.09.2024 во 21:20 часот во СВР Тетово било пријавено дека на магистралниот пат Гостивар-Кичево се случила сообраќајна несреќа помеѓу патничко возило „бмв” со демиркаписки регистарски ознаки, управувано од Б.Х.(54) од Гостивар и товарно возило влекач „сканија” со косовски регистерски ознаки, управувано од А.Т.(60) од Косово.

Во несреќата, од здобиените повреди возачот Б.Х. починал на местото на настанот, додека сопатникот Т.Р.(53) од Гостивар бил пренесен во Ургентен центар во Гостивар, каде подоцна починал.

Возачот на товарното возило влекач се здобил со телесни повреди.

Увид на местото извршиле екипа од ОВР Гостивар и јавен обвинител, по чија наредба во 21:55 часот, полициски службеници од ОВР Гостивар го лишиле од слобода возачот А.Т.(60) од Косово.

Тој е задржан во полициска станица и во текот на денот против него ќе биде поднесена кривична пријава по брза постапка и ќе биде изведен пред надлежен суд.

Share on Facebook

Tweet

Follow us

Save