Медведев вети празничен огномет во германската фабрика за оружје во Украина

Русија ќе го одбележи отворањето на воената фабрика Рајнметал во Украина со „празничен огномет“, изјави заменик-претседателот на Советот за безбедност на Русија Дмитриј Медведев. Својата објава на каналот на Телеграм ја придружуваше со видео од силна експлозија.
„Германскиот концерн Рајнметал ја пушти во употреба првата од четирите воени фабрики во Украина. Како што ветивме претходно, со нетрпение го очекуваме празничниот руски огномет во фабриката“, напиша Медведев.

Претходно, шефот на концернот Армин Пејпергер извести дека првата фабрика на Рајнметал веќе започна со работа во Украина. Дополнително, предвидена е изградба на барутарница, како и фабрика за производство на муниција и противвоздушни системи.
Рајнметал е најголемата одбранбена компанија во Германија. Имаше голема корист од конфликтот во Украина и очекува значително зголемување на профитот во иднина. Во 2023 година нејзиниот промет се зголеми за 12 отсто – на 7,1 милијарди евра, а нето добивката на Рајнметал се зголеми за 9 отсто – на 0,6 милијарди евра.

Share on Facebook

Tweet

Follow us

Save