(Видео) Нема повредени во пожарот во Безистенот во Струга

Нема повредени лица во пожарот кој удринава избувна во Безистенот во Струга, вели во изјава за Курир портпаролот на СВР Охрид, Стефан Димоски.

Пријавата во струшката полиција пристигнала околу 10 часот.

-Добиена е пријава за пожар во деловен објект во Безистенот во Струга. Интервенираше ТППЕ Струга. Повредени лица нема, а увидот привршува, додава Димовски.

На терен интервенираа четири возила на Територијалната против пожарна единица Струга со десетина пожарникари.

Според првични и неофицијални информации, пожарот не бил подметнат.

Безистенот во Струга функционира како отворен трговски центар во кој се сместени угостителски објекти, бутици, менувачници.

Share on Facebook

Tweet

Follow us

Save