Популарното „Дубаи чоколадо“ содржи ОПАСНИ состојки – извршена детална анализа

Според истражувањето од Германија, популарното „чоколадо од Дубаи“ може да биде опасно по здравјето.

Во сите примероци што ги анализирала Агенција за хемиски и ветеринарски истражувања биле откриени контаминации, алергени, вештачки бои и маснотии кои не се какао-путер, единствената дозволена маст во чоколадо.

Примероците од популарното „Дубаи чоколадо“, увезени во Германија, беа откриени дека содржат многу штетни состојки, објави во четвртокот Министерството за потрошувачи на сојузната покраина Баден-Виртемберг.

Анализите покажале дека чоколадото од Обединетите Арапски Емирати е толку контаминирано при производството што не е погодно за човечка исхрана.

Покрај тоа, во сите примероци била пронајдена голема количина на вештачки бои, кои создаваат лажен впечаток за поголема содржина на квалитетни состојки, како на пример крем од ф’стаци.

Дубаи-чоколадото последниве месеци стана многу популарно во Германија, особено на божиќните базари.

Share on Facebook

Tweet

Follow us

Save