Пентагон: САД нема да испраќа војска во Украина

САД нема да испраќаат свои војници во Украина, изјави шефот на Пентагон, Пит Хегсет.
„Нема да испраќаме војници во Украина“, изјави Хегсет за новинарите во штабот на командата на Африка во Германија.
Тој посочи дека американскиот претседател Доналд Трамп очекува „наскоро“ да постигне мировен договор за Украина, а откако ќе се реши ситуацијата таму, САД ќе го проценат распоредувањето на своите сили во светот.

Засега, САД не планираат да го намалат своето воено присуство во Европа.
Претходно британскиот весник „Телеграф“ објави дека администрацијата на американскиот претседател Доналд Трамп го суспендирала развојот на планот за решавање на конфликтот во Украина со цел да го земе предвид мислењето на европските сојузници. Според неименувани извори, Келог ги уверил европските партнери дека САД сакаат да ја зајакнат позицијата на Украина во преговорите со Русија.

Share on Facebook

Tweet

Follow us

Save