Болен статус на граѓанин од Кочани: Плаќаме пензиско – не ја дочекуваме пензијата, плаќаме здравство – се лекуваме во странство!

На фејсбук станицата на Кочани се споделува објава на граѓанин во која порачува дека се открива реалноста која ја живееме.

„Плаќаме пензиско – не ја дочекуваме пензијата. Плаќаме здравство – се лекуваме во странство. Плаќаме патарина – гинеме на патиштата. Плаќаме комуналии и ѓубрарина – се давиме во ѓубре и смет. Гласаме на избори – им ги полниме патните трошоци, а тие лажат, крадат, подмитуваат и го уништуваат системот.

Жалам за мојата генерација, која создаде државни чиновници што го продолжија истиот пат што го трасираа „транзициските профитери“. Се срамам од младите, образованите, „прогресивните“, кои слепо ги следат партиските директиви, без свое „јас“, изразувајќи го својот став исклучиво преку „матичната“ партија.

Но, сè уште се надевам – дека ќе се појави нова младина. Прошетана, паметна, „префригана“, со визија и сила да го смени ова.

Во спротивно… ќе не снема како нација“, пишува тој.

Share on Facebook

Tweet

Follow us

Save