Македонските ракометарки денеска против Полска за пласман на Светско!

Македонската женска ракометна репрезентација денеска против Полска во Битола ќе се обиде да го надополни поразот од четири гола разлика во првиот натпревар (22-18).

Во Полска избраничките на Кристијан Грчевски имаа негатива и од десет голови, но со фантастичен финиш успеаа да обезбедат пристојна негатива и сега се надеваат на изненадување на свој терен.

Последен пат Македонија на Светско првенство играше во 2007 година во Франција и ако се избориме за настап тоа ќе биде прв за една наша женска ракометна репрезентација по 18 години. Мундијалот ќе се одржи оваа година во Холандија и Германија.

Натпреварот се игра со почеток од 19:00 часот и се очекува ракометарките да имаат и голема поддршка од трибините бидејќи од Ракометната федерација на Македонија информираа дека 80% од салата до чера била распродадена.

ЛИНК од видеото

Share on Facebook

Tweet

Follow us

Save