Интерпелацијата на Тошковски на 29 април

Претседателот на Собранието, Африм Гаши, на денешната средба со новинарите најави дека на наредната пленарна седница, која треба да се одржи на 29 април, се очекува на дневен ред да се најде интерпелацијата за министерот за внатрешни работи, Панче Тошковски, поднесена од група пратеници на Левица.

Од оваа партија претходно беше поднесена интерпелација против Тошковски, поради неколку причини, а најмногу за пожарот во дискотеката „Пулс“ во Кочани во кој животот го загубија 62 лица.

Причината за интерпелацијата, според Левица, е тоа што Тошковски од позицијата министер за внатрешни работи грубо и несоодветно ја злоупотребил својата јавна функција, постапувајќи непрофесионално, несовесно и неодговорно, што доведе до низа незаконски дејствија, скандали и кадровски промашувања.

Share on Facebook

Tweet

Follow us

Save