75-годишен маж бил прегазен на кружен тек во Тетово

Седумдесет и петгодишен маж е тешко повреден откако бил прегазен на кружен тек во Тетово.

„Вчера во 12.00 часот во СВР Тетово е пријавено дека на кружен тек од улица „Иво Рибар Лола“ со улица „,Страшо Пинџур“ во Тетово, патничко возило „рено еспејс“ со тетовски регистарски таблички, управувано од В.Т.(60) од Тетово, удрило во пешакот Е.С.(75) од Тетово. Во несреќата, со тешки телесни повреди се здобил пешакот, констатирани во Клиничка болница Тетово“, информираат од МВР.

Увид на местото на несреќата извршила екипа од СВР Тетово.

Share on Facebook

Tweet

Follow us

Save