Поништена пресудата со која на мајката Невена и беше одземено детето

Врховниот суд го врати на повторно одлучување судскиот процес за предметот во кој на мајката Невена Спасеска ѝ беше одземено старателството врз малолетното дете и му беше доделено на таткото.

Со пресудата на Врховен суд се поништуваат пресудите на пониските судови од Охрид и Битола, поради нејасност, неразбирливост, недоволно образложени причини за решителните факти од кои се раководеле судовите при одлучувањето и нецелосно утврдена фактичка состојба.

Врховниот суд смета дека двата суда во Охрид и Битола не дале информации дали и мајката била повикана во Центарот за социјална работа во Охрид, каде всушност не беше никогаш повикана, а оттаму не се дадени битните околности за родителските капацитети на мајката туку само за оние на таткото. Стручниот тим на Центарот за социјални работи Охрид не ги ценел условите на мајката и возраста на детето како и неговата потреба од мајка на таа возраст.

Врховниот суд наведува дека судовите во Охрид и Битола не го ценеле мислењето на скопскиот Центар за социјални работи кој сметал дека детето треба да остане кај мајката.

Share on Facebook

Tweet

Follow us

Save