Не кликајте ништо! Се шири измама дека малопродажни компании нудат модерни мобилни телефони по ниски цени!

Министерството за внатрешни работи ги предупредува граѓаните на актуелна измама која се шири преку социјалните мрежи. Станува збор за лажни објави во кои се тврди дека малопродажни компании нудат модерни мобилни телефони по ниски цени, наводно поради „оштетена амбалажа“ или преку „внатрешна програма“.

МВР потенцира дека овие објави имаат за цел да измамат граѓани, наведувајќи ги да кликнат на сомнителни линкови или да споделат лични податоци.

Не кликнувајте на линкови во вакви објави
Не споделувајте лични информации
Не верувајте во „приказни“ што играат на емоции
Компаниите не нудат вакви производи преку тајни канали или социјални мрежи.

Од МВР апелираат – доколку забележите вакви објави, веднаш пријавете ги во најблиската полициска станица. Секторот за компјутерски криминал веќе презема мерки и води постапки по овие случаи.

Share on Facebook

Tweet

Follow us

Save