Тасевски: Во М-НАВ се работи со опрема од 1999-та, може да ни се случи „Кочани 2“

„Граѓаните нека се запрашаат во 1999-та година каков компјутер или мобилен телефон имале дома и нека се запрашаат какви имаат сега. Ние работиме со истата опрема од 1999“, рече претседателот на Синдикатот на контролори на летање, Александар Тасевски во гостувањето на „24 Анализа“, и предупреди дека доколку не се коригираат многубројните проблеми во контролата на летање може да се случи „Кочани 2“.

-Жално е, не сакам да го споменувам Кочани, голема трагедија е, многу лоши последици, луѓето почувствуваа на своја кожа. Кај нас се случуваат лоши работи и со таа застарена опрема и со селектирањето на квалитетот во контролата на летање… Работата е отежната и не се работи како што треба. Треба да пружиме многу квалитетна услуга, а ни се кратат сите шанси и можности за да го сработиме како што треба затоа што некој не сака да постави вистински луѓе и да ни даде одврзани раце. Сите гледаат нечиј личен интерес… Граѓаните нека се запрашаат во 1999 година каков компјутер или мобилен телефон имале дома и нека се запрашаат какви имаат сега. Ние работиме со истата опрема од 1999. Само за споредба, нашите соседи Србија и Албанија сменија по 3-4 системи во меѓувреме – рече Тасевски.

Share on Facebook

Tweet

Follow us

Save