Трамп: Војната во Газа ќе заврши за неколку недели

Американскиот претседател Доналд Трамп денес изјави дека војната во Појасот Газа ќе заврши за неколку недели, иако не откри детали за тоа како ќе се стави крај на конфликтот.

Трамп рече дека често контактирал со израелскиот премиер Бенјамин Нетанјаху и му рекол дека војната во Појасот Газа мора наскоро да заврши, објави Ројтерс.

Тој рече дека САД и Израел продолжуваат да вршат притисок врз палестинската група Хамас да ги ослободи преостанатите заложници. Трамп посочи на напорите на специјалниот претставник на САД за Блискиот Исток, Стив Виткоф, за обезбедување ослободување на заложниците, како и за обезбедување помош во храна за Појасот Газа.

Државниот секретар на САД, Марко Рубио, им рече на новинарите во Белата куќа, во заедничка изјава со Трамп, пред средбата со јужнокорејскиот претседател Ли Џае-мјунг, дека САД сакаат војната во Појасот Газа да заврши и дека конфликтот ќе заврши без Хамас.

Share on Facebook

Tweet

Follow us

Save