Акција на грчката и германската полиција: Запленети се ад 300 килограми кокаин!

Грчката и германската полиција разбија криминална мрежа која шверцувала кокаин скриен во камиони од Шпанија до Грција и други европски земји, објави Ројтерс, повикувајќи се на полициско соопштение доцна во неделата.

Двајца осомничени членови на бандата беа уапсени во Грција, а тројца други беа уапсени во Германија минатата недела, соопшти полицијата. Други осомничени членови на бандата остануваат на слобода во Шпанија и Германија.

Досегашната добивка на групата се проценува на повеќе од 5 милиони евра, се вели во соопштението. Членовите ја криеле дрогата во камиони кои превезувале стока на меѓународно ниво или користеле камиони за легално да влезат во Шпанија за да ја добијат дрогата. Возилата биле регистрирани главно во Бугарија на компании со грчки интереси, а возачите биле грчки и бугарски државјани, се вели во соопштението.

Повеќе од 300 килограми кокаин беа запленети за време на операциите во Грција и Германија во последните денови. Двете земји ги здружија силите по истрагата што ја започна Агенцијата за борба против дрога на САД (ДЕА), соопштија полициски службеници, пренесува БТА. Грција ја засили борбата против трговијата со дрога во последните години, бидејќи Европа стана главен пазар за кокаин, забележува Ројтерс.

Share on Facebook

Tweet

Follow us

Save