Герасимовски: Ја исчистивме депонијата под Кале, не дозволуваме центарци да се гушат во смет!

Градоначалникот на Општина Центар, Горан Герасимовски, заедно со ЈП „Паркинзи на Општина Центар“ и вредните хигиеничари денеска спроведоа голема акција за чистење на депонијата кај полигонот на Кале.

Герасимовски потенцираше дека изминатите четири години го сработуваат и она што Град Скопје не го работи.

„Ја исчистивме депонијата под Кале, не дозволуваме центарци да се гушат во смет! Заедно со нашите тимови, со хигиеничарите, со сите вработени денеска спроведовме голема акција за чистење на оваа депонија кај полигонот под Кале. Деноноќно сме на терен, во сите населби. Изнајмивме и дополнителна механизација за целиот смет што се прелева на улиците и на одредени депонии биде отстрането од наша страна. Ја подигнуваме хигиената на што повисоко ниво.“ – пишува во објавата на Герасимовски.

Share on Facebook

Tweet

Follow us

Save